Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Respublikamızdaǵı abıroylı gazeta redakciyalarınıń wákilleri menen ushırasıw ótkerildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Respublikamızdaǵı abıroylı gazeta redakciyalarınıń wákilleri qatnasıwında baspasóz yarmarkası shólkemlestirildi. Ilájdı filial direktorı A.Esimbetov kiris sózi menen ashıp berdi.
Filial basshılları, professor-oqıtıwshılar, xızmetkerler hám student-jaslar qatnasqan usı ilájda «Yangi O‘zbekiston» gazetasınıń Qaraqalpaqstan Respublikası boyınsha xabarshısı, «Qaraqalpaqstan hawazı» gazetasınıń bas redaktorı M.Qutlımuratov, «Qaraqalpaqstan jasları» gazetasınıń xabarshısı, Qaraqalpaqstan Respublikasına miyneti sińgen jurnalist Sh.Siypatdinov, «Qaraqalpaqstan tańı»gazetasınıń xızmetkeri A.Jaqsımuratova, “Erkin Qaraqalpaqstan” gazetasınıń xabarshısı Z.Dosnazarovalar sózge shıǵıp, búgingi kúnde basılıp shıǵıp atırǵan gazeta-jurnallardaǵı maqalalar hám olardıń mazmunı, bul basılımlar mámleketimizde júz berip atırǵan jańalanıwlar hám ózgerisler haqqında xalıqqa isenimli málimleme jetkerip beriwde xızmet qılıp kiyatırǵanlıǵı hám Ǵalaba xabar quralları arasında gazetalardıń óz ornı hám abıroyı bar ekenligi tuwralı sóz etildi.
Wákiller jıynalǵanlardı gazeta-jurnallarǵa jazılıwǵa shaqırdı hám filial basshılları bul boyınsha olardı qollap-quwatlawın atap ótti. Sonıń menen birge iláj miymanları tárepinen búgingi kúnde respublikamızda dizimge alınǵan gazeta hám jurnallar haqqında maǵıwmatlar berip ótildi. Búgingi kúnde xalqımız arasında gazeta-jurnallardı oqıwǵa bolǵan talap kemeyip baratırǵanlıǵı hám olarǵa jazılıw máselesinde ushırasıp atırǵan kemshilik hám qıyınshılıqlar haqqında aytıp ótildi. Jıynalǵanlar menen usı másele sheńberinde sáwbetlesiw alıp barıldı. Iláj juwmaǵında Respublikadaǵı basılımlarǵa jazılıw hám birgelikte maqalalar tayarlaw boyınsha usınıslar berildi.
Málimleme xızmeti
