SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

9-may Eslew hám qádirlew kúni múnásibeti menen «Hásiretli ana» esteligi aldına gúlsheńber qoyıldı

Bárshemizge belgili, hár jılı elimizde Eslew hám qádirlew kúni keń túrde belgilenedi. Usı jıldıń 8-may kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da bayram qarsańında bir qatar ilájlar ótkerilmekte.

Atap aytqanda, erte tańnan «Dańq lentası»n tarqatıw akciyası ótkerilgen bolsa, bunnan soń professor-oqıtıwshılar hámde student-jaslar direktor Adilbay Esimbetov basshılıǵında 9 may — Eslew hám qádirlew kúni múnásibeti menen paytaxtımızdaǵı «Hásiretli ana» esteligi aldına gúlsheńber qoyıp, sawash maydanında mártlik kórsetken babalarımızdıń esteligine húrmet kórsetti.

Usı iláj sheńberinde student-jaslar hámde paytaxtımızdaǵı 9-sanlı ulıwma bilim beriw mektebiniń 1-klass oqıwshıları klass basshısı menen birgelikte «Watansúyiwshilik baǵı»nda bolıp, ol jerdegi áskeriy texnikalar hám samolyotlardıń maketlerin tamasha etip, jaqınnan tanıstı.

9 may — Eslew hám qádirlew kúni múnásibeti menen filial studentleri qatnasıwında usı sıyaqlı ilájlardıń ámelge asırılıwı túp-tiykarında sawash maydanında búgingi párawan turmısımız ushın mártlershe gúresken jerleslerimizdiń esteligi áziz hám muqaddes ekenligin olardıń sanasına sińidiriw sıyaqlı iygilikli maqset gózlengen. Filial student-jasları búgin márt babalarımızdıń esteligin yadqa alıp, húrmet kórsetti.