Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Gender teńlik máseleleri hám hayallarǵa baylanıslı zorlıqtı saplastırıw boyınsha sáwbetlesiw ótkerildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń student-qızları hám texnikum oqıwshıları qatnasıwında «Hayal-qızlardıń sociallıq-siyasıy belsendiligin arttırıw, gender teńlik máseleleri hám gender zorlıq penen gúresiw» temasında sáwbetlesiw shólkemlestirildi.
Usı ilájda Hayal-qızlar máseleleri boyınsha direktor másláhatshisi G.Kazaxbaeva, Nókis qalalıq ishki isler uyımlarınıń jumısın muwapıqlastırıw basqarması huqıqbuzarlıqlar profiliktikası bóliminiń hayal-qızlar máseleleri boyınsha aǵa inspektorı, podpolkovnik A.Namenova, texnikum oqıtıwshısı O.Jumanovalar sózge shıǵıp, búgingi kúnde mámleketimizde Hayal-qızlarǵa kórsetilip atırǵan ayrıqsha itibar hám ǵamxorlıq óziniń unamlı nátiyjesin berip, olar túrli tarawlarda iygilikli baslamalardı ilgeri súrip, jámiyet turmısında belsene qatnasıp atırǵanlıǵı, Hayal-qızlarǵa tiyisli mámleketlik siyasatınıń turmısqa keń engizilip, bul baǵdarda alıp barılıp atırǵan keń kólemli reformalar haqqında toqtaldı. A.Namenova óz shıǵıp sóylewinde hayallarǵa kórsetilip atırǵan zorlıq mashqalasın saplasıtırıw boyınsha ámelge asırılıp atırǵan jumıslar. áyne usı másele hár qanday jámiyet ushın áhmiyetli bolıp kiyatırǵanlıǵı hám Hayal-qızlardıń huqıqların ayaq-astı etiw menen baylanıslı bolǵan jınayatlar jazasız qalmaytuǵınlıǵın atap ótti.
Sonıń menen birge birge jıynalǵanlarǵa shańaraqta ushırasatuǵın zorlıq hám onıń unamsız aqıbetleri, orınlarda úgit-násiyat ilájları hám túsinik jumısları alıp barılıwına qaramay elege shekem hayallarǵa baylanıslı zorlıq hám basımlar júz berip atırǵanlıǵı júdá ayanıshlı jaǵday ekenligi haqqında aytıp berdi. Qánige statistikalıq maǵlıwmatlardı keltirip, student-qızlarǵa anıq túsiniklerdi berdi. Mine usınday zorlıqlardıń aldın qalayınsha alıw múmkin ekenligi, bul baǵdardaǵı unamsız jaǵdaylardı úyrenip unamlı sheshim tabıw zárúr ekenligi atap ótildi. Qızlar menen alıp barılǵan sáwbetlesiw dawamında tema sheńberinde máseleler dodalandı. Studentler ózlerin qızıqtırǵan sorawlar menen qánigege múrájat etip, tolıq juwaplardı aldı. Iláj dawamında Gender teńlik máseleleri hám hayallarǵa baylanıslı zorlıqtı saplastırıw temasına ayrıqsha toqtalıp ótildi.
Málimleme xızmeti
