Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentlerimiz kitapqumarlıq hápteligi sheńberinde ótkerilgen kvest oyınında 1-orındı iyeledi
Kitapqumarlıq hápteligi sheńberinde Qaraqalpaqstan Respublikası Málimleme-kitapxana orayında «Kitap súyer millet» súreni tiykarında kvest oyını bolıp ótti. Iláj basında sózge shıqqanlar, dáslep qatnasıwshılarǵa kvest oyınınıń mazmunı haqqında maǵlıwmat berip ótti hámde usınday oyınlar jaslar arasında kitapqumarlıqtı jáne de keń en jaydırıwda úlken áhmiyetke iye ekenligin atap ótti. Kvest oyınına respublikamızdaǵı joqarı oqıw orınlarınıń kitapqumar student-jaslarınan dúzilgen komandalar bellesti. Qızıqlı hám zawıqlı pursatlarǵa bay tárizde alıp barılǵan oyın dawamında student-jaslar ózleriniń tapqırlıǵın hám qábiletlerin júzege shıǵarıwǵa tırıstı.
G.Abbazova hám A.Xalmuratovalar oyın dawamında qatnasıwshılardı ádil túrde bahalap bardı. Quwanıshlısı, juwmaqlawshı nátiyjege kóre, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń student-jaslarınan dúzilgen komanda sıylı birinshi orındı alıwǵa eristi.
Jeńimpazlarǵa húrmet jarlıǵı hám eń qımbat sawǵa bolǵan-kitaplar tapsırıldı. Álbette, kitapxanaǵa jaslardı jáne de kóbirek qamtıw ushın olardıń qızıǵıwshılıǵın inabatqa alǵan halda usınday ilájlardı ótkerip barıw óziniń unamlı nátiyjesin beredi. Filialımızda da kitapqumarlıqtı bunnan bılayda rawajlandırıp barıw maqsetindle ámelge asırılıp atırǵan iygilikli isler mine usı tárizde óziniń nátiyjesin bermekte. Usı gezekte jeńimpazlıqtı qolǵa kirgizgen studentlerdi qıshǵın túrde qutlıqlaymız.
Málimleme xızmeti
