SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Napaqa jasındaǵı xızmetker húrmetke bólendi

Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń xızmetkeri Kamalov Ayapbergen Ótebaevichtiń 60 jastı qarsı alıwı múnásibeti menen bayram ilájı shólkemlestirildi. Filial direktorı A.Esimbetov sózge shıǵıp, A.Kamalovtı múbárek jası menen qutlıqlap, onıń jumısına juwapkershilikli xızmetker ekenin, adamgershiligi, miynet jámááti menen kirisimli múnásibet ornata alǵanın, barqulla qolınan kitap túspeytuǵın kitapqumar insan ekenin ayrıqsha atap ótti.

Bunnan soń isler basqarması baslıǵı S.Qaniyazov hám basqa da xızmetkerler sózge shıǵıp, kásiplesiniń mánziline jaqsı tileklerin bildirdi. Iláj dawamında tuwılǵan kún iyesine ayrıqsha húrmet kórsetildi. Ayapbergen aǵa filial jámáátiniń bunday itibarına shadlıqqa bólenip, óziniń tásirlengenin atap ótti hám bárshege tereń minnetdarshılıq bildirdi. Kún qaharmanına filial kásiplik awqamı hám texnik xızmetkerler tárepinen bahalı sawǵalar tapsırıldı.

Kúni keshe filial oqıtıwshısı J.Xalmuratovanıń napaqa jasına tolıwı belgilenip, onıń mánziline ájayip tilekler bildirilgen edi. Quwanıshlı kúnler izbe-iz kelip búgin filialdıń jası úlken aǵalarınan biri bolǵan Ayapbergen aǵanıń tuwılǵan kúni múnásibeti menen bayram ilájı ótkerildi. Óz ornında haq kewil, barqulla adamlar menen jıllı júzlilik penen kórisip, jaqsı múnásibette bolatuǵın, miyirman Ayapbergen aǵanı shın kewilden qutlıqlaymız. Sizge bekkem salamatlıq, shańaraǵıńızǵa amanlıq, qálbińizge qáterjamlıq tileymiz.