SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Sporttıń shaxmat-shashka túrinen jarıs shólkemlestirildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslardı ǵalabalıq sportqa qamtıw, olardıń bul taraw boyınsha qızıǵıwshılıqların jáne arttırıp barıw maqsetinde sporttıń shaxmat-shashka túrinen jarıs shólkemlestirildi.

Studentler jarıs dawamında bar sheberligin, logikalıq pikirlew qábiletin iske salıp, qarsılasın jeńiwge háreket qıldı. Oyındı «Ekonomika hám gumanitar pánler» kafedrasınıń dene tárbiya oqıtıwshısı Q.Urazbaev bahalap bardı. Jarıs juwmaǵında Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov jeńimpazlardı qutlıqlap, qatnasıwshılarǵa minnetdarshılıq bildirdi. Nátiyjeler tómendegishe boldı:
1-orın — 1-kurs 109-topar studenti Borchinoy Jamolatdinova;
2-orın — 1-kurs 109-topar studenti Gúlmira Charshanova;
3-orın — 1-kurs 104-topar studenti Timur Jumamuratov.
Iláj juwmaǵında jeńimpazlar diplom menen sıylıqlandı.