Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Joq bolıp ketiw qáwipi astında turǵan haywan hám ósimlik túrleri boyınsha seminar ótkerildi
«Haywanlar anatomiyası, fiziologiyası hám bioximiyası» kafedrası tárepinen «Házirde joq bolıp ketiw qáwipi astında turǵan jabayı haywan hám ósimlik túrlerin asıraw» temasında seminar trening shólemlestirildi. Filial direktorı A.Esimbetov seminardı kiris sózi menen ashıp berip, búgingi kúnde elimiz aymaǵındaǵı siyrek ushırasatuǵın ósimlik túrlerin kóbeytiw,joq bolıp ketiw astındaǵılardı saqlap qalıw úlken áhmiyetke iye ekenligin atap ótti.
Bunnan soń kafedra oqıtıwshıları tema boyınsha bayanat jasadı. Atap aytqanda, assistent-oqıtıwshısı J.Xalmuratova siyrek hám joq bolıp baratırǵan ósimlik hám jabayı haywan túrleriniń siyrek ushırasatuǵın genofondın qorǵaw hám saqlap qalıw ilájların kúsheytiw, elimizdegi siyrek hám joq bolıp ketiw qáwipi astında turǵan ósimlik hám haywan túrleriniń tábiyiy populyaciyaların saqlap qalıw, olardıń turaqlı jasaw hám ósiw sharayatların támiyinlew boyınsha ámelge asırılıp atırǵan jumıslar boyınsha maǵlıwmatlardı berdi.
Seminar tıńlawshılarına joq bolıp baratırǵan 10 ájayip pıshıq túrleri, atap aytqanda, sumatra jolbarısı, malta jolbarısı, barxan pıshıǵı, aq arıslan, serval, margay túrleri boyınsha qızıqlı maǵlıwmatlardı berip ótti. Sonday-aq, Ózbekstan Respublikasınıń Qızıl kitabına kirgizilgen ósimlik túrleri boyınsha da maǵlıwmatlar aytıp ótildi. Házirde joq bolıp ketiw qáwipi astında turǵan jabayı haywan hám ósimlik túrlerin saqlap qalıw hám kóbeytiw boyınsha anıq usınıslar berildi. Seminarda bayanatshılar tárepinen tolıq túsinikler berildi. Temaǵa tiyisli áhmiyetli máseleler dodalandı. Studentler tárepinen berilgen sorawlarǵa tolıq juwap berildi.
Málimleme xızmeti
