SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Qosıqları báhár epkinin alıp keletuǵın shayıranıń 109 jıllıǵı belgilendi

Elimizde hár jılı báhárdiń birinshi kúninde shayıra Zulfiya Isroilovanıń tuwılǵan kúni keń belgileniwi úrdiske aylanǵan. BúginSamarqand mámleketlik veterinariya medicinası, sharwashılıq hám biotexnologiyalar universiteti Nókis filialında Málimleme-resurs orayı bóliminiń baslaması menen Zulfiya shayırdıń 109 jıllıǵı múnásibeti menen «Zulfiyanıń dawamshıları» dep atalǵan ádebiy keshe shólkemlestirildi.

Iláj basında Málimleme-resurs orayı bólimi baslıǵı J.Xalmuratova sózge shıǵıp, xalqımızdıń súyikli shayırası Zulfiyanıń ózbek ádebiyatında óz ornına iye bolǵan hám ádebiyat ıqlasbentleri qálbinen tereń orın iyelegen ájayip dóretiwshilerden biri ekenligi atap ótildi. «Ekonomika hám gumanitar pánler» kafedrasınıń oqıtıwshısı I.Xalmuratov bolsa student-jaslarǵa shayırdıń úlgili ómir jolı hám ózine tán bay dóretiwshilik miyrası hámde búgingi kúndegi áhmiyeti tuwralı aytıp berdi.
Iláj dawamında Zulfiyanıń qosıqları watanǵa muhabbat ruwxında jaratılǵanlıǵı, onıń ádebiyatımızǵa qosqan salmaqlı úlesi haqqında sóz etildi. Onıń qosıqları kóp tillerge awdarmalanǵan. Ilájdıń ádebiy bóliminde student-jaslar tárepinen shayıranıń mehir-muhabbat hám girbińsiz sezimlerge bay qosıqları aytıldı, qızıqlı sahnalı kórinisler qoyıp berildi. Iláj juwmaǵında belsene qatnasqanlarǵa húrmet jarlıǵı berildi.