Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentler Evropa Awqamınıń Erasmus+ baǵdarlaması boyınsha túsiniklerge iye boldı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Xalıqaralıq bólimniń baslaması menen Evropa Awqamınıń Erasmus+ baǵdarlaması ushın Joqarı bilimlendiriw reformaları boyınsha milliy ekspert hám Kásiplik bilimlendiriw boyınsha Evropa bilimlendiriw fondı ushın Milliy eksperti A.Tureniyazova qatnasıwında ushırasıw shólkemlestirildi. Usı ushırasıwdı filial direktorı A.Esimbetov kiris sózi menen ashıp berdi.
Student-jaslarǵa milliy ekspert tárepinen Evropa Awqamınıń Erasmus+ baǵdarlamasınıń maqseti hám wazıypaları, baǵdarlama sheńberinde ámelge asırılǵan iri joybarlar, erisilgen nátiyjeler haqqında maǵlıwmatlar berildi. Bul baǵdarlama umıtılıwshań jaslardı bilimlendiriw hám sport tarawındaǵı joybarlarǵa qamtıp alǵan halda olardı ámeliy qollap-quwatlawǵa qaratılǵan. Iláj dawamında qatnasıwshılarǵa «Joqarı bilimlendiriwde potenicialın rawajlanıdırıw jónelisi boyınsha tańlap alınǵan joybarlar hám olarǵa ajıratılǵan byudjet qarjıları boyınsha statistikalıq maǵlıwmatlar berip ótildi.Sonıń menen birge joqarı oqıw ornınıń ilimiy jetiskenliklerin jáne de arttırıw hám reytingin kóteriw boyınsha da maǵlıwmatlar berip ótildi. Student-jaslardı tema boyınsha qızıqtırǵan sorawlarǵa qánige tárepinen tolıq juwaplar berildi.
A.Tureniyazova jaslarǵa ózlerinen motivaciya alǵan halda, úlken maqsetler tárepke qaray batıl qádemler taslap barıwdı másláhát berdi. Studentlerde Erasmus+ baǵdardaamsı boyınsha keń túsinikler payda boldı.
Málimleme xızmeti
