SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial qızlar komandası sporttıń stol tennisi boyınsha 3-orındı iyeledi

Paytaxtımızdaǵı Nókis olimpiya hám paralimpiya sport túrlerine tayarlaw orayı bazasında 20 hám 21-fevral kúnleri aralıǵında sporttıń stol tennis túri boyınsha «Studentler ligası» sport jarıslarınıń aymaqlıq basqıshı ótkerildi. Onda Qaraqalpaqstan Respublikasınıń barlıq joqarı oqıw orınlarınıń saylandı komandaları óz-ara bellesti.

Usı jarısta Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń qızlardan dúzilgen komandası 3-orındı iyeledi. Bul haqqında Jaslar menen islesiw boyınsha dekan orınbasarı E.Seytmuratov Málimleme xızmetine xabar berdi.

— Jarıs qızıqlı tásirlerge bay boldı. Bizler doslarımız benen birge bar sheberligimizdi kórsetiwge tırıstıq. Qarsılas komanda aǵzaları da jaqsı háreket qıldı. Kelesi saparı bunnan da joqarı orınlardı alıwǵa umtılamız — filial saylandı komandasınıń aǵzası Dinara Aytjanova. Qızlardı ersiken tabısı menen qutlıqlap qalamız hám tabıslar tileymiz.