SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Qaraqalpaqstan xalıq jazıwshısı Alpısbay Sultanov studentler menen ushırastı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Qaraqalpaqstan xalıq jazıwshısı, ádebiy sınshı, shayır hám dramaturg Alpısbay Sultanov penen ushırasıw ótkerildi. Filial direktorı ilájdı ashıp berdi hám qaharmanımızdıń ómir jolı hám dóretiwshiligi tuwralı aytıp ótti. Bunnan soń A.Sultanov sózge shıǵıp, student-jaslarǵa ádebiyatqa qashan hám qalay kirip kelgenligi, dóretken shıǵarmaları, dramaturg sıpatındaǵı islegen miynetleri tuwralı aytıp berdi.

Ol óziniń basıp ótken miynet jolı hám ómir tájiriybelerin studentler menen bólisti. A.Sultanov usı kúnge shekem derlik 50 den aslam hújjetli filmler dóretken. Dramaturg sıpatında dóretken shıǵarmaları sahnalastırılıp, tamashagóylerge inám etilgen. Sonday-aq, ol jáhán ádebiyatınıń belgili jazıwshılarınıń shıǵarmaların qaraqalpaq tiline awdarǵan.

Ulıwma aytqanda ózine tán ayrıqsha qábiletke iye, háreketsheń, hám dóretiwshi sıpatında hám insan sıpatında boyında eń aǵla pazıyletlerdi jámlegen bul insan jaslarǵa shın mánisinde úlgi bola aladı. Ushırasıw keshesi júdá mazmunlı bolıp ótti. Studentler ózlerin qızıqtırǵan sorawlarǵa juwap aldı. Ushırasıw ájayip tásirlerge bay tárizde ótti. Iláj juwmaǵında húrmet belgisi sıpatında miymanǵa sawǵa tapsırıldı hám nuranıy atamız jaslarǵa óziniń jaqsı tileklerin bildirip pátiya berdi.