SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Nawayınıń yadı menen jasaymız mudamı» atamasında ádebiy keshe ótkerildi

9-fevral sánesi elimizde shayırlar sultanı, mámleketlik ǵayratker Áliysher Nawayınıń dúnyaǵa kelgen kúni sıpatında belgilenip kelinbekte. Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Áliysher Nawayınıń tuwılǵanına 583 tolıwı múnásibeti menen ruwxıy-aǵartıwshılıq hám ádebiy iláj ótkerildi.

Usı ilájda Ózbekstan Jazıwshılar awqamı aǵzası Qaraqalpaqstan xalıq jazıwshısıA.Sultanov, Qaraqalpaq mámleketlik universitetiniń ózbek tili hám ádebiyatı kafedrasınıń oqıtıwshısı A.Babajanov, filial direktorı A.Esimbetovlar sózge shıǵıp, shayırlar sultanı bolǵan Nawayınıń ómiri hám dóretiwshiligi, mámleketlik ǵayratker sıpatındaǵı xızmeti, dóretken shıǵarmaları, keleshek áwladqa qaldırǵan biybaha ilimiy miyrasları haqqında tolıq túrde toqtaldı. Babamızdıń dóretiwshiligi ózine tánligi menen ayrıqsha ajıralıp turıwı hám qálbimizge mórlenip qalǵanlıǵı atap ótildi. Áliysher Nawayınıń yadın máńgilestiriw boyınsha alıp barılıp atırǵan nátiyjeli jumıslar haqqında sóz júritildi. Ilájdıń ádebiy bólimindeNawayınıń shıǵarmaları tiykarında sahnalastırılǵan ádebiy shıǵıwlar studentler tárepinen qoyıp berildi. Onıń qálemine tiyisli qosıq hám ǵázelleri kámine keltirilip atqarıldı. Iláj dawamında ǵázzel múlkiniń sultanı kelbeti yad etildi.