SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Fakultet gózzalıman" nominaciyasına kim ılayıq dep tabıldı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı “Veterinariya hám zooinjeneriya” fakulteti tárepinen student qızlar arasında "Fakultet gózzalıman" atamasında kórik-tańlaw ótkerildi. 4 shárt tiykarında ótkerilgen tańlawda jámi 12 qız qatnastı. Ilájdı fakultet dekanı A.Kaniyazov ashıp berdi. Tańlaw qızıqlı tásirlerge hám tolqınlanıwlarǵa bay tárizde bolıp ótti.

Ásirese, "Hár milletten bir miyman" atamasındaǵı shárt dawamında qatnasıwshı qızlar túrkmen, qazaq, ázerbayjan, rus, ukrain hám koreys milletiniń úrp-ádetleri hám dástúrlerin kórsetip berdi. Gózzal qızlar túrli millettiń milliy libaslarında jáne de shırayǵa dóndi. Sonday-aq, xalıq naqıl-maqalların aytıw, qızlar tárbiyasına tiyisli sahnalı kórinislerde de qatnasıwshılar ózleriniń ájayip atqarıwı menen tóreshiler quramı aǵzalarında unamlı tásirler qaldırdı. Tańlaw juwmaǵında 1-kurs 103-topar studenti Zarina Zaripbaeva jeńimpazlıqtı qolǵa kirgizip, "Fakultet gózzalı" nominaciyasına ılayıq dep tabıldı.

Sıylıqlaw máresiminde fakultet dekanı tárepinen diplom hám bahalı sawǵalar tapsırıldı. Hayal-qızlar máseleleri boyınsha dekan másláhátshisi Z.Dawletova bolsa tańlaw jeńimpazına taj kiydirdi. Qalǵan qatnasıwshılarǵa túrli nominaciyalar boyınsha diplom tapsırıldı. Sıylıqlaw máresiminen keyin filialdıń qábiletli studentlerinen quralǵan «Qarekeńshe onlayn» komandası tárepinen tayarlanǵan koncert baǵdarlaması qoyıp berildi. "Fakultet gózzalıman" tańlawı joqarı dárejede shólkemlestirildi.