SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentlerge záhárli gazden zıyanlanıwdıń adın alıw boyınsha túsinikler berildi

Bárshemizge belgili, qıs máwsiminde xalıqtıń arasında ıssılıqqa bolǵan mútájlik hám talap jáne de artadı. Bunıń nátiyjesinde bolsa standartqa juwap bermeytuǵın jılıtıw úskenelerinen nadurıs paydalanıw jaǵdayları ushırasadı. Bunıń aqıbetinde bolsa unamız jaǵdaylar kelip shıǵıwı hám záhárli gazden zıyanlanıwǵa sebep bolıwı múmkin.

Búgin usı temaǵa baǵıshlanǵan úgit-násiyat ilájı ótkerildi. Bul ilájda Nókis qalası Ayrıqsha jaǵdaylar bólimi 1-órt-qutqarıw bóliminiń kapitanı M.Jumanazarov hám aǵa inspektor, serjant K.Akashovlar tárepinen student-jaslarǵa elektr energiyası hám tábiyiy gazden paydalanıwda qáwipsizlik qaǵıydalarına qatań ámel etiw boyınsha túsinikler berildi.

Qánigeler arnawlı órt-qutqarıw avtomobili hám órt-qutqarıw texnikaları járdeminde studentlerde tema boyınsha ámeliy kónlikpelerdi qáliplestirdi. Ijarada hám kóp qabatlı úylerde jasaytuǵın student-jaslarǵa órt hám záhárli gazden zıyanlanıw sıyaqlı kewilsiz jaǵdaylardıń aldın alıw hám tábiyiy gazden durıs paydalanıw boyınsha kórsetpeler berip ótildi. Iláj qatnasıwshıları keń túsiniklerge iye boldı.