SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Psixolog oqıtıwshılar hám studentlerge seminar-treningler ótkermekte

Professor-oqıtıwshılar hám student-jaslardıń psixologiyalıq qásiyetlerin úyrenip barıw hám olardıń qatnasıwında hár túrli qızıqlı seminarlar shólkemlestiriw olardıń ruwxıy jaǵdayın jaqsılawǵa xızmet qıladı.

Usı maqsette filial psixologı M.Allamuratova xızmetkerler, oqıtıwshılar hám studentler arasında «Stresstiń aldın alıwda Art-terapiyadan paydalanıw» temasında seminar-treningler ótkerdi. Ótkerilgen seminarlarda stress qalay payda bolıwı, onıń unamsız aqıbetleri, stresske qarsı qanday sheshimler bar ekenligi hámde stresstiń aldın alıw usılları boyınsha maǵlıwmatlar berip ótildi.

Stresstiń hár dayım baqlanıwı depressiyaǵa aylanıw múmkin ekenligi hám túrli kesellikler keltirip shıǵarıwı atap ótildi. Sonıń menen birge qatnasıwshılarǵa Art-terapiyanıń túrleri, stresske túspew ushın onıń usıllarınan paydalanıw boyınsha túsinikler berildi. Temaǵa tiyisli qızıqlı shınıǵıwlar alıp barıldı. Oqıtıwshılar hám student-jaslar seminar dawamında unamlı tásirlerdi aldı.