Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Máhállede duw-duw gáp» atamasındaǵı ruwxıy-aǵartıwshılıq ilájları dawam etpekte
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Jańa turmıs ushın, Jańa Ózbekstan ushın!» súreni astında «Máhállede duw-duw gáp» atamasındaǵı ruwxıy-aǵartıwshılıq ilájı ótkerildi. Usı ilájda «Veterinariya hám zooinjeneriya» fakulteti dekanı A.Kaniyazov, Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov hám «Ekonomika hám gumanitar pánler» kafedrası baslıǵı P.Xojalepesovlar sózge shıǵıp, 2023-jılı 22-dekabr kúni Prezident Shavkat Mirziyoyev basshılıǵında ótkerilgen Ruwxıylıq hám aǵartıwshılıq Keńesinde sóz etilgen áhmiyetli máseleler hám belgilep berilgen wazıypalarǵa toqtaldı. Sonday-aq, studentlerge «Xalıq hám armiya-bir tán, bir jan» teması boyınsha túsinikler berildi.
Atap aytqanda, mámleketimizde áskerlerimiz óz xızmet wazıypasın atqarıwları ushın barlıq zárúr bolǵan sharayatlar jaratıp berilgenligi, elimiz tınıshlıǵı hám párawanlıǵı isenimli qollarda ekenligi, bizlerdiń tınısh hám qáterjam turmısımızdı támiyinlep atırǵanlıǵı ushın olarǵa sheksiz alǵıs aytıwımız kerek ekenligi atap ótildi. Ilájda studentler kerekli maǵlıwmatlarǵa iye boldı. Bunnan aldın, filial xızmetkerleri hám oqıtıwshıları Taxtakópir rayonınıń máhállelerinde bolıp, «Máhállede duw-duw gáp» atamasındaǵı ruwxıy-aǵartıwshılıq ilájlarında qatnasqan edi.
Málimleme xızmeti
