SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentler dem alıs kúnlerin teatrda mazmunlı ótkerdi

Teatrǵa biz tek ǵana tamasha etiw ushın barmaymız, bálkim, usı tárbiya orayında mádeniyatımızdı hám mánawiyatımızdı jáne de joqarılatıw, sahnalastırılǵan shıǵarma qaharmanlarınıń unamlı qásiyetlerinen órnek alıw sıyaqlı iygilikli maqsetti gózleymiz. Sol sebepli, filial oqıtıwshıları, xızmetkerler hám studentlerdiń «Teatr kúni» sheńberinde bul orınǵa barıp, qızıqlı spektakllerdi tamasha etiwi ámelge asırılıp kelinbekte.

Atap aytqanda, kúni keshe dem alıs kúnin mazmunlı ótkeriw maqsetinde kafedra oqıtıwshıları, xızmetkerler hám studentler «Men, kempir apam, Iliko hám Illarion» atlı spektaklin tamasha etti.

Belgili gruzin jazıwshısı Nodar Dumbadzeniń qálemine tiyisli shıǵarması tiykarında sahnalastırılǵan bul spektaklde doslıq, tatıwlıq hám muhabbat sezimleri ashıp berilgen. Jazıwshınıń dáslepki iri shıǵarmalarınan bolıp sanalatuǵın bul romandajámiyetimizde ushırasatuǵın túrli kemshilikler kúlki menen súwretlep beriledi. Shıǵarma mazmunı, aktyorlardıń sheber atqarıwshılıǵı tamashagóylerdiń alǵısına miyassar boldı. Ásirese, bul spektakl student-jaslarǵa ayırqsha tásir qaldırdı. Bir sóz benen aytqanda filial jámááti hám studentler dem alıs kúlerin mazmunlı hám maqsetli qılıp ótkerdi.