SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Márt jigitler maydanda bellesti

Qurallı Kúshlerimiz dúzilgeniniń 32 jıllıǵı hám 14-yanvar – Watan qorǵawshıları kúni múnásibeti menen Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń student jigitleri arasında «Márt jigitler– Watan tiregi» atamasında sport jarısları ótkerildi.

Qurallı Kúshlerimiz jámiyetimizdiń áhmiyetli bólegi, elimizdiń tınıshlıǵı hám rawajlanıwınıń kepilligi, jaslardı watansúyiwshilik ruwxında tárbiyalawdıń tiykarı bolıp tabıladı. Shólkemlestirilgen jarıs áyne usı túsiniklerdi jaslarda jáne de tereńirek qáliplestiriw maqsetinde ótkerildi.

Jarıs dawamında studentler komandalarǵa bólinip, arqan tartıs, túrnikke tartılıw, gir tas kóteriw, armrestling boyınsha bellesti. Zawıqlı pursatlarǵa hám quwnaq tásirlerge bay tárizde bolıp ótken jarıs juwmaǵında jeńimpazlardı sıylıqlaw máresimi bolıp ótti. Onda sıylı orındı iyelewge miyassar bolǵanlar filial direktorı tárepinen diplom hám estelik sawǵaları menen sıylıqlandı. 14-yanvar – Watan qorǵawshıları kúni bayramın múnásip belgilew hám student jigitlerge bayram keypiyatın inám etiw maqsetinde ótkerilgen jarıs qızıqlı tásirlerge bay boldı.