Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentler «Jas bioximikler bioximikler» dógeregi sheńberinde bilimlerin bekkemlemekte
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń «Veterinariya hám zooinjeneriya» fakulteti, «Haywanlar anatomiyası, fiziologiyası hám bioximiyası» kafedrası tárepinen shólkemlestirilgen «Jas bioximikler» dógeregi sheńberinde kafedranıń assistent-oqıtıwshısı Zuxra Ospanova tárepinen student-jaslarǵa «Súttiń quramındaǵı S vitaminin anıqlaw» temasında ashıq sabaq ótilip, keń túsinikler berildi.
Dáslep, studentlerge S vitamini organizmge infektsiyalar menen gúresiw, súyeklerdi qáliplestiriw, jaralardı emlew hám basqa da áhmiyetli fiziologiyalıq processlerdi ámelge asırıwda járdem beriwi tuwralı bahalı maǵlıwmatlar berip ótildi. Sabaq dawamında súttiń quramındaǵı S vitaminin qanday jollar menen anıqlaw múmkin ekenligi hám onıń usılları ayıp ótildi.
Sút kislotasınıń túrleri, onıń quramı boyınsha túsinikler berildi, qızıqlı shırpısız janıw reakciyaları ámelge asırılıp kórildi. Sapalı sút ákelinip, ondaǵı vitamindi anıqlaw ámelde sınap kórildi. Studentler tema boyınsha tolıq maǵlıwmatlarǵa iye boldı. Ashıq sabaq barısın kafedra baslıǵı R.Rzaev hám oqıtıwshılar baqlap bardı.
Málimleme xızmeti
