"Jas ixtiologlar" dógeregi sheńberinde studentler ámeliy bilimlerin bekkemledi

"Zooinjeneriya" kafedrasınıń "Jas ixtiologlar" dógeregi turaqlı túrde óz iskerligin alıp barmaqta. Dógerek sheńberinde  4-kurs Zooinjeneriya (balıqshılıq) qánigeliginiń studentleri qatnasıwında "Qaraqalpaqstandaǵı balıq túrleri"  temasında qızıqlı tárizde alıp barıldı. Bunda studentler 3 komandaǵa bólinip, ózleri tayarlap kelgen prezentaciyalar arqalı Afrika ılaqası balıǵı, balıqlarda ushırasatuǵın túrli kesellikler, olarǵa diagnoz qoyıw hám emlew boyınsha bahalı maǵlıwmatlardı berip ótti. Usı jerdiń ózinde kesellengen balıqqa ukol salıp kórsetildi. Sonday-aq, balıq góshinen tayarlanǵan ájayip taǵamlar kórgizbesi shólkemlestirilip, qatnasıwshılar bul taǵamlardan dám tattı. Dógerekti Qırǵızstanlı professor A.Abdurasulov, tálim sapası bólimi hám kafedra oqıtıwshıları baqlap bardı. - Dógerek aǵzalarınıń qızıǵıwshılıǵın jáne de arttırıw hám tereń túsiniklerin qáliplestiriw maqsetinde akvariumǵa balıq túrlerin alıp kelip, olardıń dúzilisin úyrenip, emlew processinde ámelde islep kórdik. Studentler ámeliy kónlikpelerin bekkemledi dep oylaymız-deydi dógerek basshısı Z. Dawletova.

Málimleme xızmeti