SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filialdıń voleybol komandası sıylıqlandı

Xabarıńız bar, joqarı oqıw orınlarınıń studentleri arasında «Bes baslama olimpiadası» sheńberinde sport jarısları ótkerilgen edi. Búgin Berdaq atındaǵı Qaraqalpaq mámleketlik universitetiniń mádeniyat sarayında jeńimpazlardı sıylıqlaw máresimi ótkerildi.

Ilajda Qaraqalpaqstan Respublikası Jaslar siyasatı hám sport ministrligi, Qaraqalpaqstan Respublikası aymaqlıq basqarması, Jaslar agentligi Qaraqalpaqstan Respbulikası basqarması basshılları qatnasıp, jarıs jeńimpazların qutlıqlap ótti. Bunnan soń saltanatlı sıylıqlaw máresimi ótkerildi.
Aldın xabar bergenimizdey, sporttıńvoleybol túri boyınsha er balalar arasında ótkerilgen jarısta filialdıń student-jaslarınan dúzilgen komanda úshinshi orındı iyeledi. Sıylıqlaw máresiminde filial komandasına diplom, medal' hám bahalı sawǵalar tapsırıldı. —Sıylıqlaw máresimi joqarı keypiyatta bolıp ótti. Student-jaslardıń umtılısınıń arqasında unamlı nátiyjege eristik. Barlıq shólkemlestiriwshilerge óz minnetdarshılıǵımızdı bildiremiz—deydi Jaslar menen islesiw boyınsha dekan orınbasarı E.Seytmuratov.