SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Xalıqaralıq pán olimpiadasınıń qatnasıwshıları muzeyge sayaxat etti

Xabarıńız bar, búgin Muhammed ál-Xorezmiy atındaǵı II Xalıqaralıq xalıqaralıq pán olimpiadasınıń birinshi turı ótkerildi. Berdaq atındaǵı Qaraqalpaq mámleketlik universitetiniń sport sarayında ótkerilgen olimpiada joqarı dárejedegi shólkemlestiriwshilik penen bolıp ótti.

Kúnniń ekinshi yarımında xaliqaralıq pán olimpiadasınıń qatnasıwshıları paytaxtımızdaǵı I.V.Savickiy atındaǵı Qaraqalpaq mámleketlik kórkem óner muzeyine sayaxat etti. Miymanlardı qaraqalpaq xalqınıń milliy qádiriyatları, tariyxı hám mádeniyatı menen jaqınnan tanıstırıw hám sol arqalı paytaxtımızdıń dıqqatqa ılayıq orınlarına sayaxat etiwin támiyinlew maqsetinde shólkemlestirilgen ekskursiya zawıqlı tárizde bolıp ótti. Olar sayaxat dawamında muzeydegi eksponatlar penen jaqınnan tanısıp unamlı tásirlerge iye boldı. Esletip ótemiz, erteń Berdaq atındaǵı Qaraqalpaq mámleketlik universitetiniń sport sarayında xalıqaralıq pán olimpiadasınıń ekinshi turı bolıp ótedi.