Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
“Bes baslama olimpiadası” sheńberinde ótkerilgen voleybol jarısında filial komandası 3-orındı iyeledi
«Bes baslama olimpiadası» sheńberinde Respublikamızdaǵı joqarı oqıw orınları student-jasları arasında sporttıń voleybol túri boyınsha er balalar arasında jarıs bolıp ótti. Bul jarısta hár bir JOOnıń saylandı komandaları óz ara bellesti. Qızǵın bellesiwlerge bay bolǵan oyın dawamında Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialınıń student-jaslarınan dúzilgen komanda ǵayrat penen jeńis ushın háreket qıldı. Quwanıshlısı, jarıs juwmaǵında filialdıń er balalar komandası úshinshi orındı alıwǵa miyassar boldı.
Maǵlıwmat ushın, “Bes baslama olimpiadası” sheńberinde ótkerilgen voleybol jarısında birinshi orındı Ózbekstan mámleketlik dene tárbiyası hám sport universiteti Nókis filialı iyelegen bolsa, ekinshi orındı Ájiniyaz atındaǵı Nókis mámleketlik pedagogikalıq institutınıń komandası iyeledi. Filial komandası quramındaǵı belsene voleybolshı student-jaslardı qolǵa kirgizgen tabısları menen qutlıqlaymız. Jarıslar óz juwmaǵına jetkennen soń jeńimpazlardı saltanatlı sıylıqlaw máresimi bolıp ótedi.
Málimleme xızmeti
