SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Student qızlar menen másláhat kúni sheńberinde sáwbetlesiw ótkerildi

Filialda bilim alıp atırǵan student-qızlar qatnasıwında Hayal-qızlar arasında psixologiyalıq hám huqıqıy másláhát qúni sheńberinde sáwbetlesiw bolıp ótti. OndaHayal-qızlar máseleleri boyınsha direktor másláhatshisiG.Kazaxbaeva, filial psixologı M.Allamuratova, filial ilimiy keńesi xatkeri G.Eshmuratova, «Veterinariya hám zooinjeneriya» fakultetiniń Hayal-qızlar máseleleri boyınsha dekan másláhatshisi Z.Dawletova hámde student-qızlar qatnastı.

Iláj dawamında sózge shıqqanlar búgingi kúnde jaslar arasında kóplep ushırasıp atırǵan erte turmıs qurıw hám jaqın tuwısqanlar arasındaǵı nekeniń unamsız aqıbetleri, jas qızlardı shańaraq qurıwǵa tayarlaw boyınsha óz pikirlerin bildirdi. Sáwbetlesiw dawamında qızlarǵa qabıl etilgen Jańa redakciyadaǵı Konstituciyanıń XIV bab 76- – stat'yasında shańaraq jámiyettiń tiykarǵı buwını etip belgilengenligi, neke nekeleniwshilerdiń razılıǵı hám teń huqıqlılıǵına tiykarlanǵanlıǵı haqqında keń túsinikler berip ótildi. Keyingi jıllarda elimizde ushrasıp dizimge alınıp atırǵan ajırasıwlardıń sanı boyınsha statistikalıq maǵlıwmatlar berilip, bunıń aqıbetinde pák náresteler jetim qalıp atırǵanlıǵı kewilsiz jaǵday ekenligi atap ótildi. Sáwbetlesiw qatnasıwshıları da sózge shıǵıp, kóterilgen tema boyınsha ózleriniń pikirlerin bildirdi. Mazmunlı tárizde bolıp ótken sáwbetlesiw filial studentlerinde turmıs tuwralı túsiniklerdi qáliplestirdi.