SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Girbińsiz qálb iyelerine bayram sawǵası tapsırıldı

Hár jılı 1-iyun sánesi Xalıqaralıq balalardı qorǵaw kúni sıpatında keń túrde belgilenip kelinbekte. Usı sáne múnásibeti hám«Jańa Ózbekstan jasları, birleseyik!» súreni astında ótkerilip atırǵan «Studentler báhári» festivalı sheńberinde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı jámááti Qaraqalpaqstan Respublikası Kóp tarmaqlı balalar medicinalıq reabilitaciyalıq orayındaǵı balalardı ájayip bayram múnásibeti menen qızǵın túrde qutlıqlap, olarǵa bayram sawǵaların tapsırdı.

Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev sózge shıǵıp, filial jámááti atınan balalarǵa jıllı tileklerdi bildirdi. Bunnnan soń bul jerdegi balalar tárepinen qosıq, ayaq oyın hám sahnalı kórinislerdi ózinde jámlegen qızıqlı koncert baǵdarlaması qoyıp berildi. Ilaj dawamında girbińisiz qálb iyelerine quwanısh bólisildi. Olar ózlerine kórsetilgen itibar hám ǵamxorlıqtı júregi menen sezinip, shadlıqqa bólendi. Balanıń kúlkisi hár birimizge quwanısh hám shúkirshilikti inám etedi. Bayram múnásibeti menen búgingi kishkene qaharmanlarımızǵa unamlı keypiyat baǵıshlay aldıq dep oylaymız. «Studentler báhári» festivalı sheńberinde ilajlar dawam etpekte.