SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Qaraqalpaqstan Respublikası Konstituciyası qabıl etilgeninge 30 jıl toldı

Usı jılı Qaraqalpaqstan Respublikası Konstituciyası qabıl etilgeninge 30 jıl toladı. Usı sáne múnásibeti menen Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ilaj shólkemlestirildi. Dáslep, Ózbekstan hám Qaraqalpaqstan Respublikalarınıń mámleketlik gimnleri jańladı. Filial direktorı Adilbay Esimbetov shıǵıp sóylep, Qaraqalpaqstan Respublikası Konstituciyası qabıl etilgeninge 30 jıl tolıwı múnásibeti menen barlıq qatnasıwshılardı qutlıqlap ótti.
Ilajda Qaraqalpaqstan Respublikası Konstituciyalıq baqlaw komiteti baslıǵı P.Aytniyazov, Qaraqalpaqstan Respublikası bajıxana basqarması baslıǵı N.Berdiev sózge shıǵıp, mámleketimizde ámelge asırılıp atırǵan hár qanday reformalardıń huqıqıy tiykarı hám puqaralardıń huqıq hám erkinlikleri támiyinleniwiniń kepili bolǵan, tiykarǵı nızamımız bolıp sanalatuǵın Konstituciya-mámleketimiz abıroyın belgilep bergen tariyxıy hújjet ekenligi hám huqıq hámde erkinliklerdi támiyinlewde ayrıqsha áhmiyet quraytuǵınlıǵı tuwralı toqtaldı.

Qatnasıwshılarǵa Qaraqalpaqstan Respublikası Konstituciyasınıń qabıl qılınıw tariyxı hám usı kúnge shekem kirgizilgen ózgeris hám qosımshalar boyınsha maǵlıwmatlar berildi. Hár bir puqara mámleketimizdiń tiykarǵı nızamı bolıp sanalatuǵın Konstituciyanıń mazmunın tereń túsinip jetiwi hám onı jaqsı biliwi zárúr ekeni atap ótildi. Sonıń menen birge ósip kiyatırǵan jas áwladqa Bas Nızamımız—házirgi tınısh hám párawan turmısımızdıń huqıqıy negizi ekenligi boyınsha keń túsiniklerdi berip barıw maqsetke muwapıq bolıwı aytıp ótildi. Student-jaslardıń huqıqıy sawatlılıq dárejesin asırıp barıwda usınday ilajlar ayrıqsha orın tutadı. Búgingi ilaj sheńberinde filial student-jaslarına Qaraqalpaqstan Respublikası Konstituciyasınıń mazmunı boyınsha kerekli maǵlıwmatlar berildi. Qatnasıwshılardıń barlıq sorawlarına ilajǵa qatnasqan qánigeler tárepinen tolıq juwap berildi. Sonıń menen birge studentlerde shıǵıp sóylep, óz pikirlerin bildirdi.