SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Biz-sportshı shańaraqpız» sport jarısı

Usı jıldıń 12-noyabr kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Kásiplik awqamı filial baslanǵısh shólkemi hám Jaslar menen islesiw, ruwxıylıq hám aǵartıwshılıq bólimi tárepinen 11-noyabr «Ózbekstan kásiplik awqamları kúni» múnásibeti menen filial xızmetkerleri hám professor-oqıtıwshılar shańaraqları arasında «Biz-sportshı shańaraqpız»súreni astında sport jarısı ótkerildi. Jarısqa bes komanda qatnasıp, úsh shárt boyınsha bellesti. Jarıs qızǵın bellesiwler astında ótti.
Jarıs juwmaǵında Zooinjeneriya kafedrası assistent-oqıtıwshısı T.Jumanazarovlar shańaraǵı komandası 1-orın, Veterinariya kafedrası assistent-oqıtıwshısı V.Ruzimovlar komandası 2-orın hám Veterinariya hám zooinjeneriya fakulteti tyutorı J.Mambetniyazovlar shańaraǵı komandası sıylı 3-orındı iyeledi.
Jarıs jeńimpazları filial kásiplik awqamı baslanǵısh shólkemi tárepinen diplom hám qımbat bahalı sawǵalar menen sıylıqlandı.
Jarıstı ótkeriwdegi maqset hám filialda islep atırǵan xızmetkerler, professor-oqıtıwshılar hám olardıń shańaraq aǵzaların sporttıń ǵalabalıq túrlerine qızıqtırıw arqalı miynet iskerligi nátiyjeliligin asırıwǵa kómeklesiw, túrli kásip keselliklerinen sport hám salamat turmıs tárzi tiykarları arqalı qorǵaw, salamat turmıs tárzin úgit-násiyatlaw menen sport penen shańaraqlıq shuǵıllanıw kónlikpelerin qáliplestiriwden ibarat.