Oqıw metodikalıq bólimi baslaması menen sheberlik sabaǵı shólkemlestirildi.

2021-jılı 25-oktyabr kúni filial oqıw metodikalıq bólimi tárepinen  «Jas pedagoglar» mektebi sheńberinde sheberlik sabaǵı shólkemlestirildi. “Urǵashı haywanlardı jasalma jol menen tuqımlandırıw” teması boyınsha Veterinariya kafedrası  baslıǵı Sh.Avezimbetov studentlerge sheberlik sabaǵın ótti. 

Ol studentlerge bul tema boyınsha túsinik beriw dawamında haywanlardıń násiliniń ónimdarlıǵın arttırıw ushın bul usıldan paydalanıw  unamlı nátiyje beriwi hám  jasalma tuqımlandırıw jolı menen alınǵan haywanlar tez ósiwi, kesellikke onsha ushıramawı tárepleri menen ajıralıp turatuǵınlıǵın aytıp ótti. 

Sheberlik sabaǵı dawamında filialda endi jumıs baslap atırǵan jas pedagoglar óz bilimlerin bekkemledi. Oqıtıwshıǵa tema boyınsha ózlerin qızıqtırǵan sorawların berip, unamlı  juwap aldı.Filialımızda oqıw metodikalıq bóliminiń baslaması menen shólkemlestirilgen bul sheberlik sabaqları dawamında student-jaslardıń bilimleriniń bekkemlenip barıwı názerde tutılǵan. Filialda kafedra professor-oqıtıwshları tárepinen bunday sabaqlar turaqlı túrde ótkerilip barıladı.