Тест ушын төлем мүддети бүгин 18:00 ге шекем узайтырылды бирақ бул ҳәмме ушын емес
Мәмлекетлик қабыллаў комиссиясының 2-санлы протоколына муўапық кәсиплик (дөретиўшилик) имтиханлар менен бирге мәжбүрий үш–ана тили (өзбек, рус ямаса қарақалпақ) математика ҳәм Өзбекстан тарийхы пәнлеринен тест сынағы арқалы бакалавриат билимлендириў бағдарларына оқыўға кириў ушын онлайн дизимнен өткен, бирақ белгиленген төлемди әмелге асырмаған абитуриентлерге бир жумыс күни ишинде тийисли төлемди әмелге асырыўына рухсат берилди. Бул ҳаққында Жоқары ҳәм орта арнаўлы билимлендириў министрлигиниң рәсмий телеграм каналында мәлим етилди.
Бунда бул категориядағы абитуриентлер бүгин 28-июль күни 18:00 ге шекем төлемди әмелге асырыўы мүмкин.
Төлем мүддети тек ғана дөретиўшилик имтиханы бар бағдарларға тапсырғанлар ушын узайтырылды. 5 пәннен тест тапсырылатуғын бағдарларға дизимнен өткен ҳәм төлемди әмелге асырыўға үлгермегенлер ушын төлеў мүддети узайтырылмады.
Демек, бүгин ақырғы күн, имканияттан үнемли пайдаланған ҳалда төлемди әмелге асырмағанлар тезирек төлемди әмелге асырыўы усыныс етиледи.
Зийўар Хожамуратова
скачать dle 12.1
Telefon
E-mail
