Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
“Panaev Farms” фермер хожалығына саяхат шөлкемлестирилди
Самарқанд ветеринария медицинасы институты Нөкис филиалы Ветеринария медицинасы 1-курс 201-топар студентлери менен биргеликте Қараөзек районындағы “Panaev Farms” фермер хожалығына саяхат шөлкемлестирилди. Аўыл хожалығы илимлери бойынша философия докторы (PhD) А.Уримбетов “Ҳайўанларды азықландырыў технологиясы” пәни бойынша студентлердиң әмелий билимлерин беккемлеў мақсетинде оларды өзиниң басшылығында “Panaev Farms” фермер хожалығына алып барды. Филиал студентлери фермер хожалығының хызмети менен жақыннан танысыў барысында, бул жерде бағылып атырған нәсилли қарамаллар ҳәмде ешкилердиң аўқатланыў рационы, олардың қандай шараятта бағылып атырғанлығы бойынша мағлыўматларға ийе болды . Фермер хожалықтағы азықлық базасы менен жақыннан танысты. Усы сыяқлы саяхатлар болажақ тараў қәнигелериниң тәжирийбе ҳәмде көнликпелерин беккемлеп барыўда үлкен әҳмийетке ийе. Саяхат даўамында А.Уримбетов студентлерге қосымша мағлыўматларды берип барды. Олар қызығыўшылық пенен жумыс пороцесин бақлаў арқалы өзлери ушын зәрүр болған көнликпелерди пайда етиўге ҳәрекет қылды. Бул жерде бағылып атырған нәсилли қарамаллар ҳаққында толық мағлыўматларға ийе болды. Соны айрықша атап өтиўимиз орынлы, филиал студентлерин “Panaev Farms” фермер хожалығының хызмети менен жақыннан таныстырып барыў ҳәмде оларға жумыс процесин толық бақлаў имканиятын жаратыў әлбетте даўам етеди.
Филиал баспасөз хызмети
