SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Иркутск мәмлекетлик аграр университети тәрепинен онлайн лекция өтилди

Академик Д.Н.Прянишников атындағы Пермь Мәмлекетлик аграр-технологиялық университети оқытыўшылары тәрепинен турақлы түрде онлайн лекциялар шөлкемлестирилип келинбекте ҳәм бул ҳаққында сайтымыз арқалы мәлим етип келмектемиз. Нәўбеттеги онлайн сабақ А.А.Ежевск атындағы Иркутск мәмлекетлик аграр университетиниң «Улыўма биология ҳәм экология» кафедрасы ассистенти, биология илимлери кандидаты Иван Небесных тәрепинен өтилди. Бул онлайн лекцияға «Тәбийий ҳәм улыўма қәнигелик пәнлер» кафедрасы баслығы Ш.Авезимбетов, Халықаралық байланыслар бөлими баслығы Т.Ибраймов ҳәмде студент-жаслар қатнасты. «Балық жетистириўде интенсив технологиялар» темасында шөлкемлестирилген онлайн сабақ даўамында студент-жаслар керекли мағлыўматларға ҳәмде зәрүр көнликпелерге ийе болды. Олар Иван Небесных тәрепинен келтирилген мағлыўматларды дыққат пенен тыңлады ҳәм кең түсиниклерге ийе болыў мақсетинде қосымша сораўлар берип, толық жуўап алды. Усы сыяқлы өз-ара тәжирийбе алмасыў ҳәм қәнигелик бойынша студент-жасларға онлайн сабақларды шөлкемлестирип барыў өзиниң унамлы нәтийжесин береди деп ойлаймыз. Буннан алдын Академик Д.Н.Прянишников атындағы Пермь Мәмлекетлик аграр-технологиялық университети менен шөлкемлестирилген онлайн лекциялар филиал студентлери ушын мазмунлы ҳәм пайдалы болған еди. Нәўбеттеги онлайн сабақта заўықлы тәризде болып өтти. Мағлыўмат ушын бул жоқары оқыў орны менен өз-ара бирге ислесиў байланыслары даўам етеди.