Tarim universiteti bilan strategik hamkorlik: Nukus filialining xalqaro ilmiy integratsiyadagi muhim qadami
19 май 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Нәўбеттеги онлайн лекция филиал оқытыўшысы тәрепинен шөлкемлестирилди
Алдын хабар бергенимиздей, Академик Д.Н.Прянишников атындағы Пермь Мәмлекетлик аграр-технологиялық университети ҳәм Самарқанд ветеринария медицинасы институтының Нөкис филиалы ортасында бирге ислесиў бойынша меморандум имзаланған. Бирге ислесиў байланыслары тийкарында өз-ара тәжирийбе алмасыў ҳәмде студентлерге қәнигелиги бойынша онлайн лекцияларды шөлкемлестириў көзде тутылған. Бүгинги күнге шекем Пермь Мәмлекетлик аграр-технологиялық университети оқытыўшылары филиал студентлерине түрли темалар бойынша лекция өтип келмекте. Өз орнында филиал оқытыўшылары да ол жерде билим алып атырған студентлерге онлайн лекция өтиўди баслады. Атап айтқанда, «Тәбийий ҳәм улыўма қәнигелик пәнлер» кафедрасы ассистенти. биология илимлери бойынша философия докторы (PhD) Базарбаева Дина Иркиновна тәрепинен Академик Д.Н.Прянишников атындағы Пермь Мәмлекетлик аграр-технологиялық университети студентлерине “Вируслардың көбейиўи” темасы бойынша онлайн лекция шөлкемлестирилди. Дәслеп, университеттиң Халықаралық байланыслар орайы директоры Оксана Фотина ҳәм Д.Базарбаева өз-ара жолға қойылған бирге ислесиў байланысының нәтийжелигин жәнеде арттырыў, онлайн сабақ процеслеринде студентлердиң қәнигеликлери бойынша билимлерин беккемлеп барыў сыяқлы мәселелер бойынша қысқа сәўбетлесиў болып өтти. Соннан кейин Д.Базарбаева университет студентлерине тема бойынша толық түсиниклер берди. Атап айтқанда, вирустың көбейиўи бир неше басқышта жүз бериўи, вирус ҳәм клетка ортасындағы өз-ара тәсир түрлери ҳаққында кең түсиндирилди. Сондай-ақ, онлайн лекция даўамында қосымша тәризде қызықлы мағлыўматлар менен байытып барыўға ҳәрекет қылды. Студентлер тәрепинен берилген сораўларға толық түрде жуўап берилди. Онлайн сабақ қызықлы тәризде алып барылды. Алдын мәлим еткенимиздей, студентлерге онлайн лекцияларды шөлкемлестириў даўам еттириледи.
Филиал баспасөз хызмети
