Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Қус гриппи» темасында онлайн лекция
Самарқанд ветеринария медицинасы институты Нөкис филиалында Академик Д.Н.Прянишников атындағы Пермь Мәмлекетлик аграр-технологиялық университети менен биргеликте филиал студентлери ушын онлайн лекцияларды шөлкемлестириў даўам етип атыр. Нәўбеттеги онлайн лекция биология илимлери кандидаты Лазарева Ольга Игоревна тәрепинен «Қус гриппи» темасында алып барылды. Оған тема бойынша өз қызығыўшылығын билдирген студент-жаслар, соның менен бирге Халықаралық байланыслар бөлими баслығы Т.Ибраймов ҳәм филиал оқытыўшысы Д.Базарбаева қатнасты. Лекция даўамында тема бойынша толық мағлыўматлар берилди. Атап айтқанда, бул кеселликтиң алдын алыў, оған қарсы қандай вакциналарды қоллаў мүмкин екенлиги айтып өтилди. Филиал студентлери «Қус гриппи» темасы бойынша жеткиликли билимге ийе болды десек асыра айтқан болмаймыз. Онлайн лекция қызықлы тәризде сораў-жуўаплар менен даўам етти. Еслетип өтемиз, Академик Д.Н.Прянишников атындағы Пермь Мәмлекетлик аграр-технологиялық университети ҳәм Самарқанд ветеринария медицинасы институтының Нөкис филиалы ортасында бирге ислесиў бойынша меморандум имзаланған.
Филиал баспасөз хызмети
