Супер контракт ушын тәлим кредити алсам болады ма?
Ҳәзирги күнлерде көпшилик (қосымша контракт тийкарында тәлим алыўды қәлеўши) студентлерди қызықтырып атырған сораўлардан бири супер контракт ушын тәлим кредити берилиўи ямаса берилмеўи. Себеби, усы тәртипте студентликке қабыл етилип атырған абитуриентлерге 2020/2021-оқыў жылы ушын арттырылған (өтиў сызығына 4 балға шекем жетпеген) ҳәмде еселенген (56, 7 балдан кем – “суперконтракт”) төлемли контракт муғдарлары (алдын сайтымыз арқалы жарытқан едик) оқыў жылының биринши ярымы ушын кеминде 50 проценти 2020-жылдың 1-декабрине дейин, ал, екинши ярымы болса 2021-жыл 1-мартқа шекем төлениўи белгиленген еди.
Тәлим кредитин бериўге тийисли нызам ҳүжжетлери қабыл етилген пайытта қосымша контракт, яғный супер контракт деген гәп жоқ еди. Сонлықтан, бул мәселе норматив ҳүжжетлерде анық көрсетилмеген.
Министрлер Кабинетиниң 2001-жыл 26-июль сәнесиндеги 318-санлы қарарына көре, тәлим кредитлери коммерциялық банклер тәрепинен жоқары оқыў орынларының күндизги бөлимлерине төлемли контракт тийкарында қабыл етилген студентлердиң оқыўы ушын берилиўи мүмкин.
Соған көре, супер контракт ушын тәлим кредитин бериў әмелдеги нызамшылықта белгиленбеген.
Зийўар Хожамуратова
скачать dle 12.1
Telefon
E-mail
